Ég veit nánast allt um þetta lið Tómas Þór Þórðarson skrifar 2. júlí 2015 07:00 Milos Milojevic, annar þjálfara Víkings, fylgist hér vel með sínum mönnum á æfingu liðsins í gær. Vísir/Andri Marinó „Ágætt, Víkingar“ og „Víkingar stóðu sig en Rússarnir of sterkir“. Þetta voru fyrirsagnir dagblaðanna Tímans og DV eftir 1-0 tap Víkings gegn Rússlandsmeisturum CSKA Moskvu í fyrri leik liðanna í fyrstu umferð Evrópukeppni meistaraliða 16. september 1992. Víkingar unnu árið áður fimmta Íslandsmeistaratitilinn í sögu félagsins og spiluðu þarna sinn níunda Evrópuleik. Leikurinn í Mosvku tveimur vikum síðar, sem tapaðist, 4-2, var síðasti Evrópuleikur liðsins. Nú, 23 árum síðar, er Fossvogsfélagið aftur komið á Evrópusviðið. Víkingar taka á móti FC Koper frá Slóveníu í fyrstu umferð forkeppni Evrópudeildarinnar í Víkinni í kvöld. Þetta er ellefti Evrópuleikurinn í sögu félagsins en sá fyrsti sem liðið spilar á sínum heimavelli í Fossvoginum.Fengu góða hjálp Leiðin hefur verið löng og ströng. Ári eftir Evrópuævintýrið féll Víkingur og var félagið lengi að ná sér á strik. Það er í raun rétt svo að byrja núna. Árin eftir fallið voru erfið og sneru Víkingar ekki aftur á meðal þeirra bestu fyrr en 1999. Liðið féll strax aftur líkt og það gerði 2004. Það hélt sér uppi eina leiktíð 2006 en féll á ný 2007 og aftur 2011. Aðeins sex ár eru síðan Víkingur hafnaði í tíunda sæti 1. deildar árið 2009. Eftir ótrúlegan endasprett í 1. deildinni 2013 komust Víkingar aftur upp á meðal þeirra bestu og þrátt fyrir ömurlegan endasprett í Pepsi-deildinni í fyrra náði liðið í Evrópusæti. Það var eins og liðin í landinu vildu að Víkingar spiluðu Evrópuleik á ný, í það minnsta fengu þeir næga hjálp.Rolf Toft lætur Sigurð Hrannar Björnsson verja frá sér á æfingu í gærkvöldi.vísir/andri marinóStórkostleg upplifun „Það er frábært að Víkingur sé í þessari stöðu aftur. Félagið er bara að snúast við út af þessu. Það eru þessir leikir sem gefa þessu gildi,“ segir Hörður Theódórsson, fyrrverandi leikmaður Víkings. Hörður varð Íslandsmeistari með Víkingi 1991 og spilaði báða Evrópuleikina gegn CSKA ári síðar. „Það var alveg stórkostleg upplifun. Sérstaklega að spila á 100.000 manna velli ytra. Það voru reyndar bara 15.000 manns á vellinum þannig hann virkaði tómur,“ segir hann og hlær. Hörður spilaði aðeins þessa tvo Evrópuleiki og miðað við stöðu Víkingsliðsins í deildinni í dag lítur ekki út fyrir að fleiri Evrópuleikir séu á dagskránni í bili. „Þetta er eitthvað sem lifir með manni alla ævi og klárlega það sem stendur upp úr ferlinum fyrir mann eins og mig sem spilaði allan ferilinn á Íslandi. Þetta gefur manni gríðarlega mikið,“ segir Hörður og bætir við: „Maður fattar ekki hversu stórt þetta er þegar maður er að spila. Svona eftir á er þetta það sem maður man eftir og sérstaklega að hafa spilað við svona stórt lið,“ segir Hörður Theódórsson.Milos Milojevic og Ólafur Þórðarson.Vísir/Andri MarinóJanni hjálpar til Milos Milojevic, annar þjálfari Víkinga, hefur eytt dag og nótt í að fá upplýsingar um Koper-liðið og myndbönd til að greina. Víkingar leituðu einnig til annars Íslandsmeistara frá 1991, Janez Zilnik, í leit að upplýsingum um liðið en hann er Slóveni sem kom að góðum notum. „Ég veit nánast allt um þetta lið,“ segir Milos við Fréttablaðið. „Eina sem ég veit ekki er hversu margir af nýju leikmönnunum munu spila. Það eru komnir fjórir nýir.“ Milos segir besta mann liðsins vera örvfætta miðjumanninn Goran Galesic og þá eru bosnískir miðverðir Koper mjög sterkir í loftinu. Þeir eru svo með Veigar Páls-týpu, eins og Milos orðar það, í fyrrverandi fyrirliða U21 árs landsliðs Slóvena.Varnarsinnaður mótherji „Þeirra hugmyndafræði er mjög varnarsinnuð og treyst er á skyndisóknir og föst leikatriði,“ segir Milos um liðið sem hafnaði í áttunda sæti slóvensku deildarinnar í fyrra en varð bikarmeistari. „Serbi sem spilaði þarna í fyrra og ég ræddi við sagði að það væri engin leikáætlun fram á við. Ef liðið nær ekki að verjast er bara vesen. Við eigum svona 50 prósenta séns á að komast áfram ef við eigum tvo góða daga. Það hjálpar samt ekki að spila bikarleik þarna á milli, en þeir eiga leik í slóvenska stórbikarnum um helgina þannig bæði lið eru á svipuðum stað,“ segir Milos. Evrópudeild UEFA Fótbolti Íslenski boltinn Pepsi Max-deild karla Mest lesið Bætti á sig átta kílóum, vann tvöfalt og er á leið út Handbolti Sunderland vann milljónaleikinn og komst upp í úrvalsdeildina Enski boltinn Forest bannaði Neville að mæta á völlinn Enski boltinn Sjáðu neglur Arons og ótrúlegt skallamark þess sænska Íslenski boltinn Uppgjörið: KA - Afturelding 1-0 | KA af botninum Íslenski boltinn Matic reyndist sannspár með söluna á McTominay Fótbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Vildi ekki skipta um lið bara til þess eins að skipta um lið Handbolti Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Íslenski boltinn Íslandsmeistarinn Ægir Þór: „Þetta er bara algjör þvæla“ Körfubolti Fleiri fréttir Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Í beinni: Víkingur - ÍA | Geta komist á toppinn Leik lokið: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Uppgjörið: Þór/KA - Stjarnan 1-0 | Mark Söndru Maríu skildi á milli Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Forest bannaði Neville að mæta á völlinn Vann meistarana í gær og valin í landsliðið í dag Sjáðu neglur Arons og ótrúlegt skallamark þess sænska Spennt fyrir úrslitaleiknum og glöð að bikarinn er kominn í leitirnar „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ McTominay og Lukaku tryggðu Napoli titilinn „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Gæti hætt við að fara til Man Utd eftir tapið gegn Tottenham Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þriggja leikja banns Stefáns gagnrýnt: „Aldrei reynt að meiða neinn“ Klopp snýr aftur á Anfield Sjá meira
„Ágætt, Víkingar“ og „Víkingar stóðu sig en Rússarnir of sterkir“. Þetta voru fyrirsagnir dagblaðanna Tímans og DV eftir 1-0 tap Víkings gegn Rússlandsmeisturum CSKA Moskvu í fyrri leik liðanna í fyrstu umferð Evrópukeppni meistaraliða 16. september 1992. Víkingar unnu árið áður fimmta Íslandsmeistaratitilinn í sögu félagsins og spiluðu þarna sinn níunda Evrópuleik. Leikurinn í Mosvku tveimur vikum síðar, sem tapaðist, 4-2, var síðasti Evrópuleikur liðsins. Nú, 23 árum síðar, er Fossvogsfélagið aftur komið á Evrópusviðið. Víkingar taka á móti FC Koper frá Slóveníu í fyrstu umferð forkeppni Evrópudeildarinnar í Víkinni í kvöld. Þetta er ellefti Evrópuleikurinn í sögu félagsins en sá fyrsti sem liðið spilar á sínum heimavelli í Fossvoginum.Fengu góða hjálp Leiðin hefur verið löng og ströng. Ári eftir Evrópuævintýrið féll Víkingur og var félagið lengi að ná sér á strik. Það er í raun rétt svo að byrja núna. Árin eftir fallið voru erfið og sneru Víkingar ekki aftur á meðal þeirra bestu fyrr en 1999. Liðið féll strax aftur líkt og það gerði 2004. Það hélt sér uppi eina leiktíð 2006 en féll á ný 2007 og aftur 2011. Aðeins sex ár eru síðan Víkingur hafnaði í tíunda sæti 1. deildar árið 2009. Eftir ótrúlegan endasprett í 1. deildinni 2013 komust Víkingar aftur upp á meðal þeirra bestu og þrátt fyrir ömurlegan endasprett í Pepsi-deildinni í fyrra náði liðið í Evrópusæti. Það var eins og liðin í landinu vildu að Víkingar spiluðu Evrópuleik á ný, í það minnsta fengu þeir næga hjálp.Rolf Toft lætur Sigurð Hrannar Björnsson verja frá sér á æfingu í gærkvöldi.vísir/andri marinóStórkostleg upplifun „Það er frábært að Víkingur sé í þessari stöðu aftur. Félagið er bara að snúast við út af þessu. Það eru þessir leikir sem gefa þessu gildi,“ segir Hörður Theódórsson, fyrrverandi leikmaður Víkings. Hörður varð Íslandsmeistari með Víkingi 1991 og spilaði báða Evrópuleikina gegn CSKA ári síðar. „Það var alveg stórkostleg upplifun. Sérstaklega að spila á 100.000 manna velli ytra. Það voru reyndar bara 15.000 manns á vellinum þannig hann virkaði tómur,“ segir hann og hlær. Hörður spilaði aðeins þessa tvo Evrópuleiki og miðað við stöðu Víkingsliðsins í deildinni í dag lítur ekki út fyrir að fleiri Evrópuleikir séu á dagskránni í bili. „Þetta er eitthvað sem lifir með manni alla ævi og klárlega það sem stendur upp úr ferlinum fyrir mann eins og mig sem spilaði allan ferilinn á Íslandi. Þetta gefur manni gríðarlega mikið,“ segir Hörður og bætir við: „Maður fattar ekki hversu stórt þetta er þegar maður er að spila. Svona eftir á er þetta það sem maður man eftir og sérstaklega að hafa spilað við svona stórt lið,“ segir Hörður Theódórsson.Milos Milojevic og Ólafur Þórðarson.Vísir/Andri MarinóJanni hjálpar til Milos Milojevic, annar þjálfari Víkinga, hefur eytt dag og nótt í að fá upplýsingar um Koper-liðið og myndbönd til að greina. Víkingar leituðu einnig til annars Íslandsmeistara frá 1991, Janez Zilnik, í leit að upplýsingum um liðið en hann er Slóveni sem kom að góðum notum. „Ég veit nánast allt um þetta lið,“ segir Milos við Fréttablaðið. „Eina sem ég veit ekki er hversu margir af nýju leikmönnunum munu spila. Það eru komnir fjórir nýir.“ Milos segir besta mann liðsins vera örvfætta miðjumanninn Goran Galesic og þá eru bosnískir miðverðir Koper mjög sterkir í loftinu. Þeir eru svo með Veigar Páls-týpu, eins og Milos orðar það, í fyrrverandi fyrirliða U21 árs landsliðs Slóvena.Varnarsinnaður mótherji „Þeirra hugmyndafræði er mjög varnarsinnuð og treyst er á skyndisóknir og föst leikatriði,“ segir Milos um liðið sem hafnaði í áttunda sæti slóvensku deildarinnar í fyrra en varð bikarmeistari. „Serbi sem spilaði þarna í fyrra og ég ræddi við sagði að það væri engin leikáætlun fram á við. Ef liðið nær ekki að verjast er bara vesen. Við eigum svona 50 prósenta séns á að komast áfram ef við eigum tvo góða daga. Það hjálpar samt ekki að spila bikarleik þarna á milli, en þeir eiga leik í slóvenska stórbikarnum um helgina þannig bæði lið eru á svipuðum stað,“ segir Milos.
Evrópudeild UEFA Fótbolti Íslenski boltinn Pepsi Max-deild karla Mest lesið Bætti á sig átta kílóum, vann tvöfalt og er á leið út Handbolti Sunderland vann milljónaleikinn og komst upp í úrvalsdeildina Enski boltinn Forest bannaði Neville að mæta á völlinn Enski boltinn Sjáðu neglur Arons og ótrúlegt skallamark þess sænska Íslenski boltinn Uppgjörið: KA - Afturelding 1-0 | KA af botninum Íslenski boltinn Matic reyndist sannspár með söluna á McTominay Fótbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Vildi ekki skipta um lið bara til þess eins að skipta um lið Handbolti Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Íslenski boltinn Íslandsmeistarinn Ægir Þór: „Þetta er bara algjör þvæla“ Körfubolti Fleiri fréttir Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Í beinni: Víkingur - ÍA | Geta komist á toppinn Leik lokið: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Uppgjörið: Þór/KA - Stjarnan 1-0 | Mark Söndru Maríu skildi á milli Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Forest bannaði Neville að mæta á völlinn Vann meistarana í gær og valin í landsliðið í dag Sjáðu neglur Arons og ótrúlegt skallamark þess sænska Spennt fyrir úrslitaleiknum og glöð að bikarinn er kominn í leitirnar „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ McTominay og Lukaku tryggðu Napoli titilinn „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Gæti hætt við að fara til Man Utd eftir tapið gegn Tottenham Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þriggja leikja banns Stefáns gagnrýnt: „Aldrei reynt að meiða neinn“ Klopp snýr aftur á Anfield Sjá meira