Dyravörður á Druslupeppi áreitti stúlkur Nanna Elísa Jakobsdóttir skrifar 23. júlí 2015 18:44 Helga Lind Mar er einn skipuleggjenda Druslugöngunnar sem er farin til að vekja athygli á nauðgunum og kynferðislegri áreitni og þöggun samfélagsins þegar kemur að málaflokknum. Vísir/Andri Dyravörður á viðburðinum Druslupepp sem fór fram á Húrra í gær kallaði skipuleggjendur viðburðarins „feministatussur“ , sagðist myndu hleypa stúlkum fram fyrir röðina færu þær í sleik og snerti gesti á óviðeigandi hátt. Bæði eigandi Húrra og maðurinn sem rekur fyrirtækið sem sá um gæsluna í dyrunum um kvöldið harma framkomuna og maðurinn hefur verið settur á bannlista. „Við fengum ábendingu um dyravörð í gær, reyndar bara í lok kvöldsins þannig að við gátum ekki brugðist við fyrr, sem kom mjög illa fram. Hann var að segja við stelpur að þær kæmust fyrr inn ef þær færu í sleik við hvor aðra,“ segir Helga Lind Mar, einn skipuleggjenda Druslupepps sem er haldið í tengslum við Druslugönguna sem farin verður frá Hallgrímskirkju næstkomandi laugardag. Druslugangan er farin til þess að vekja athygli á kynferðisofbeldi í samfélaginu sérstaklega með það fyrir augum að sá sem verður fyrir ofbeldinu beri ekki ábyrgðina heldur gerandinn.Því dyravörðurinn á Húrra í gær sagðist hleypa þeim stelpum inn sem færu í sleik og snerti mig á óviðeigandi hátt á viðburðinum #drusluákall— Arnrún Bergljótard. (@ArnrunBerg) July 23, 2015 „María [María Rut Kristinsdóttir] heyrði hann líka kalla okkur feministatussur, sagðist ekki þola svona feministatussur eins og okkur.“ Helga segist hafa heyrt af að minnsta kosti tveimur stúlkum sem voru ósáttar við framkomu mannsins . „Og það eru bara þær sem við höfum heyrt af.“Röðin fyrir utan Húrra í gær hefur verið sögð hafa verið fjörtíu metrar að lengd, hvort sú tala er rétt verður ósagt látið en þetta Snapchat segir meira en þúsund orð.Mynd/Helga LindHelga segir skipuleggjendur Druslugöngunnar kalla eftir því að dyraverðir fái fræðslu, þeir séu í valdastöðu og að þrátt fyrir að flestir dyraverðir standi sig ef til vill vel geti þeir misnotað stöðu sína og áreitt viðskiptavini skemmtistaða. „Meira að segja á kvöldi sem þessu. Hann vissi nákvæmlega hvað var í gangi þarna, hann vissi um hvað þetta snerist,“ segir Helga og á þá við forskrift göngunnar og partýsins um kvöldið. Nauðganir og kynferðisleg áreitni sé aldrei í lagi og að vitundarvakningar sé þörf í samfélaginu.Maðurinn kominn á bannlista hjá Húrra Jón Mýrdal, eigandi Húrra, var ekki á staðnum í gær en fékk símtal um hegðun dyravarðarins í dag. Hann hringdi í skipuleggjendur viðburðarins í dag og baðst afsökunar á hegðun hans. Helga og skipuleggjendur göngunnar voru ánægðir með viðbrögð Húrra en maðurinn var rekinn burt um leið og ábending um framferði hans barst. „Ég fékk skilaboð um tweet sem voru síðan í gær og fór auðvitað beint í það mál. Ég eiginlega trúði þessu ekki, þetta voru hræðilega ömurleg skilaboð,“ segir Jón Mýrdal. Hann veit ekki deili á manninum sem um ræðir en hann kaupir þjónustu af verktakafyrirtæki sem sér um gæslu. „Ég bað stelpurnar afsökunar á þessari hegðun, þetta er eitthvað sem Húrra stendur ekki fyrir. Þetta er náttúrulega ömurlega barnalegt og mikil heimska. Ég er búinn að sjá til þess að þessi maður muni aldrei koma og vinna hjá mér aftur.“Færsla inni á viðburðinum Druslupepp á Facebook.Jón segir þetta leiðinlega uppákomu, dyraverðir staðarins séu andlit hans út á við og að Húrra hafi lagt upp með að hafa þjónustuna kurteisa og vinalega. „Við biðjumst alveg innilegrar afsökunar. Þessi einstaklingur kemur ekki til vinnu hjá mér aftur.“„Þetta var bara ljótt“ John Petur Vágseið er maðurinn á bakvið fyrirtækið sem sá um dyragæsluna á Húrra þetta kvöld. Hann tekur í sama streng og Jón og segist hafa orðið mjög reiður eftir að hann komst að raun um hegðun mannsins. „Ég tók hann alveg illilega í gegn fyrir þetta. Ég var ekki sáttur. Hann vinnur ekki fyrir okkur og mun aldrei gera.“Jón Mýrdal var miður sín yfir framkomu mannsins og hefur tryggt að hann muni aldrei starfa fyrir sig.Vísir/DaníelJohn segir manninn aldrei hafa verið í vinnu hjá sér heldur hafi hann þekkt dyravörð á sínum vegum og komið á staðinn eftir vakt á öðrum skemmtistað. Því stóð dyravörðurinn ekki lengi í dyrum Húrra eftir því sem Vísir kemst næst. „Hann kom að kíkja á okkur beint eftir vakt. Ég heyrði þetta og koma beint í hurðina og rak hann í burtu. Þetta var bara ljótt, ég var svo ósáttur við þetta.“ John talar um hegðun mannsins sem perrastæla og að þeir sem stóðu fyrir utan staðinn hafi líkast til heyrt hann skamma manninn. „Ég kenni mínum strákum að brosa og vera kurteis. Það leysir miklu frekar vandamál ef þau koma upp,“ segir John. Fyrirtæki hans hefur ekki enn fengið nafn þar sem það er svo nýlega tilkomið. „Þetta er svona karlrembuhegðun sem mínir strákar myndu aldrei sýna. Mér þykir þetta svo leitt.“Its a hard knock life it's how we live! Til hamingju Drusluganga með þetta RUGL turnup #druslugangan pic.twitter.com/DsKJOXdIhI— Geoffrey Skywalker (@Geoffreyskywalk) July 22, 2015 Kvöldið að öðru leyti vel heppnað Hann staðfestir að dyravörðurinn sem um ræðir sé núna í banni hjá Húrra og komi ekki til með að starfa þar. John vill þar að auki taka það fram að sér þyki mikilvægt að hegðun hans sé ekki tengd skemmtistaðnum Húrra þar sem hann hafi aldrei starfað þar. Skipuleggjendur Druslugöngunnar voru að öðru leyti hæstánægðir með viðburðinn í gær. Fullt var út úr dyrum og nánast allur varningur seldist upp. „Okkur líður eins og við séum að einkennisklæða Reykjavík,“ segir Helga Lind og hlær. „Það er saumakona hjá BROS sem kemst ekki í sumarfrí af því að við erum alltaf að panta fleiri derhúfur. Við fórum í gær að sækja restina af varningnum og gáfum henni blóm,“ segir Helga. Druslugangan verður gengin á laugardag klukkan 14 frá Hallgrímskirkju eins og fyrr segir. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
Dyravörður á viðburðinum Druslupepp sem fór fram á Húrra í gær kallaði skipuleggjendur viðburðarins „feministatussur“ , sagðist myndu hleypa stúlkum fram fyrir röðina færu þær í sleik og snerti gesti á óviðeigandi hátt. Bæði eigandi Húrra og maðurinn sem rekur fyrirtækið sem sá um gæsluna í dyrunum um kvöldið harma framkomuna og maðurinn hefur verið settur á bannlista. „Við fengum ábendingu um dyravörð í gær, reyndar bara í lok kvöldsins þannig að við gátum ekki brugðist við fyrr, sem kom mjög illa fram. Hann var að segja við stelpur að þær kæmust fyrr inn ef þær færu í sleik við hvor aðra,“ segir Helga Lind Mar, einn skipuleggjenda Druslupepps sem er haldið í tengslum við Druslugönguna sem farin verður frá Hallgrímskirkju næstkomandi laugardag. Druslugangan er farin til þess að vekja athygli á kynferðisofbeldi í samfélaginu sérstaklega með það fyrir augum að sá sem verður fyrir ofbeldinu beri ekki ábyrgðina heldur gerandinn.Því dyravörðurinn á Húrra í gær sagðist hleypa þeim stelpum inn sem færu í sleik og snerti mig á óviðeigandi hátt á viðburðinum #drusluákall— Arnrún Bergljótard. (@ArnrunBerg) July 23, 2015 „María [María Rut Kristinsdóttir] heyrði hann líka kalla okkur feministatussur, sagðist ekki þola svona feministatussur eins og okkur.“ Helga segist hafa heyrt af að minnsta kosti tveimur stúlkum sem voru ósáttar við framkomu mannsins . „Og það eru bara þær sem við höfum heyrt af.“Röðin fyrir utan Húrra í gær hefur verið sögð hafa verið fjörtíu metrar að lengd, hvort sú tala er rétt verður ósagt látið en þetta Snapchat segir meira en þúsund orð.Mynd/Helga LindHelga segir skipuleggjendur Druslugöngunnar kalla eftir því að dyraverðir fái fræðslu, þeir séu í valdastöðu og að þrátt fyrir að flestir dyraverðir standi sig ef til vill vel geti þeir misnotað stöðu sína og áreitt viðskiptavini skemmtistaða. „Meira að segja á kvöldi sem þessu. Hann vissi nákvæmlega hvað var í gangi þarna, hann vissi um hvað þetta snerist,“ segir Helga og á þá við forskrift göngunnar og partýsins um kvöldið. Nauðganir og kynferðisleg áreitni sé aldrei í lagi og að vitundarvakningar sé þörf í samfélaginu.Maðurinn kominn á bannlista hjá Húrra Jón Mýrdal, eigandi Húrra, var ekki á staðnum í gær en fékk símtal um hegðun dyravarðarins í dag. Hann hringdi í skipuleggjendur viðburðarins í dag og baðst afsökunar á hegðun hans. Helga og skipuleggjendur göngunnar voru ánægðir með viðbrögð Húrra en maðurinn var rekinn burt um leið og ábending um framferði hans barst. „Ég fékk skilaboð um tweet sem voru síðan í gær og fór auðvitað beint í það mál. Ég eiginlega trúði þessu ekki, þetta voru hræðilega ömurleg skilaboð,“ segir Jón Mýrdal. Hann veit ekki deili á manninum sem um ræðir en hann kaupir þjónustu af verktakafyrirtæki sem sér um gæslu. „Ég bað stelpurnar afsökunar á þessari hegðun, þetta er eitthvað sem Húrra stendur ekki fyrir. Þetta er náttúrulega ömurlega barnalegt og mikil heimska. Ég er búinn að sjá til þess að þessi maður muni aldrei koma og vinna hjá mér aftur.“Færsla inni á viðburðinum Druslupepp á Facebook.Jón segir þetta leiðinlega uppákomu, dyraverðir staðarins séu andlit hans út á við og að Húrra hafi lagt upp með að hafa þjónustuna kurteisa og vinalega. „Við biðjumst alveg innilegrar afsökunar. Þessi einstaklingur kemur ekki til vinnu hjá mér aftur.“„Þetta var bara ljótt“ John Petur Vágseið er maðurinn á bakvið fyrirtækið sem sá um dyragæsluna á Húrra þetta kvöld. Hann tekur í sama streng og Jón og segist hafa orðið mjög reiður eftir að hann komst að raun um hegðun mannsins. „Ég tók hann alveg illilega í gegn fyrir þetta. Ég var ekki sáttur. Hann vinnur ekki fyrir okkur og mun aldrei gera.“Jón Mýrdal var miður sín yfir framkomu mannsins og hefur tryggt að hann muni aldrei starfa fyrir sig.Vísir/DaníelJohn segir manninn aldrei hafa verið í vinnu hjá sér heldur hafi hann þekkt dyravörð á sínum vegum og komið á staðinn eftir vakt á öðrum skemmtistað. Því stóð dyravörðurinn ekki lengi í dyrum Húrra eftir því sem Vísir kemst næst. „Hann kom að kíkja á okkur beint eftir vakt. Ég heyrði þetta og koma beint í hurðina og rak hann í burtu. Þetta var bara ljótt, ég var svo ósáttur við þetta.“ John talar um hegðun mannsins sem perrastæla og að þeir sem stóðu fyrir utan staðinn hafi líkast til heyrt hann skamma manninn. „Ég kenni mínum strákum að brosa og vera kurteis. Það leysir miklu frekar vandamál ef þau koma upp,“ segir John. Fyrirtæki hans hefur ekki enn fengið nafn þar sem það er svo nýlega tilkomið. „Þetta er svona karlrembuhegðun sem mínir strákar myndu aldrei sýna. Mér þykir þetta svo leitt.“Its a hard knock life it's how we live! Til hamingju Drusluganga með þetta RUGL turnup #druslugangan pic.twitter.com/DsKJOXdIhI— Geoffrey Skywalker (@Geoffreyskywalk) July 22, 2015 Kvöldið að öðru leyti vel heppnað Hann staðfestir að dyravörðurinn sem um ræðir sé núna í banni hjá Húrra og komi ekki til með að starfa þar. John vill þar að auki taka það fram að sér þyki mikilvægt að hegðun hans sé ekki tengd skemmtistaðnum Húrra þar sem hann hafi aldrei starfað þar. Skipuleggjendur Druslugöngunnar voru að öðru leyti hæstánægðir með viðburðinn í gær. Fullt var út úr dyrum og nánast allur varningur seldist upp. „Okkur líður eins og við séum að einkennisklæða Reykjavík,“ segir Helga Lind og hlær. „Það er saumakona hjá BROS sem kemst ekki í sumarfrí af því að við erum alltaf að panta fleiri derhúfur. Við fórum í gær að sækja restina af varningnum og gáfum henni blóm,“ segir Helga. Druslugangan verður gengin á laugardag klukkan 14 frá Hallgrímskirkju eins og fyrr segir.
Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira