Margrét Lára snýr aftur í landsliðið

Freyr Alexandersson, landsliðsþjálfari, og Ásmundur Haraldsson, aðstoðarmaður hans, tilkynntu í dag landsliðshóp kvenna fyrir Algarve-mótið í knattspyrnu sem fer fram á Portúgal 4.-11. mars.

23 leikmenn skipa hópinn að þessu sinni og eru helstu tíðindi þau að Margrét Lára Viðarsdóttir, markahæsti leikmaður Íslands frá upphafi, snýr aftur í hópinn eftir eins árs fjarveru. Hún er nýbyrjuð að spila aftur eftir barnseignarfrí.

Alls eru sjö breytingar á leikmannahópi Íslands frá síðasta verkefni en Freyr sagði á fundinum í dag að undirbúningur fyrir EM 2017 hæfist af fullri alvöru á Algarve-mótinu í ár.

Sigrún Ella Einarsdóttir er nýkomin úr aðgerð vegna liðþófameiðsla og gat ekki gefið kost á sér en að öðru leyti gat Freyr valið sinn sterkasta hóp. Ellefu leikmenn leika með erlendum félögum en tólf á Íslandi.

Tveir nýliðar eru í hópnum - markvörðurinn Sonný Lára Þráinsdóttir úr Breiðabliki og Lára Kristín Pedersen úr Stjörnunni.

Ísland er í riðli með Bandaríkjunum, Noregi og Sviss og mætir fyrst Svisslendingum þann 4. mars.

Leikmenn Íslands:

Markverðir:

Guðbjörg Gunnarsdóttir, Lilleström

Sandra Sigurðardóttir, Stjörnunni

Sonný Lára Þráinsdóttir, Breiðabliki

Varnarmenn:

Glódís Perla Viggósdóttir, Eskilstuna

Elísa Viðarsdóttir, Kristianstad

Anna Björk Kristjánsdóttir, Stjörnunni

Anna María Baldursdóttir, Stjörnunni

Arna Sif Ásgrímsdóttir, Þór

Lára Kristín Pedersen, Stjörnunni

Miðjumenn:

Sara Björk Gunnarsdóttir, Rosengård

Rakel Hönnudóttir, Breiðabliki

Katrín Ómarsdóttir, Liverpool

Hallbera Guðný Gísladóttir, Breiðabliki

Dagný Brynjarsdóttir, Bayern München

Guðný Björk Óðinsdóttir, Kristianstad

Gunnhildur Yrsa Jónsdóttir, Stabæk

Ásgerður S. Baldursdóttir, Stjörnunni

Sóknarmenn:

Margrét Lára Viðarsdóttir, Kristianstad

Hólmfríður Magnúsdóttir, Avaldsnes

Fanndís Friðriksdóttir, Breiðabliki

Harpa Þorsteinsdóttir, Stjörnunni

Elín Metta Jensen, Val

Guðmunda Brynja Óladóttir, Selfossi