Fimm rúður brotnuðu og ljósakróna losnaði

Rétt fyrir miðnætti í gær, gamlársdag, sprakk sprengja fyrir utan Bergstaðastræti svo öflug að í húsinu brotnuðu fimm rúður. Einnig slitnaði ljósakróna af loftfestingu og mynd féll af vegg. Samkvæmt skýrslu lögreglu slasaðist húsráðandi lítillega og fékk skurð á augabrún.

Þegar lögregla kom á vettvang voru þeir sem sprengjuna áttu horfnir af vettvangi en greinileg för voru á götunni eftir hana. Samkvæmt upplýsingum frá lögreglu var engin leið að sjá hvers kyns sprengju hafði verið um að ræða.

UPPFÆRT 12.58:

Myndin með fréttinni tengist fréttinni ekki beint, húsið á myndinni varð ekki fyrir tjóni.