Tuttugu gámar fóru í hafið af Dettifossi

Engan úr áhöfn flutningaskipsins Dettifoss sakaði þegar skipið fékk á sig brotsjói á milli Færeyja og Íslands í gærkvöldi með þeim afleiðingum að samtals tuttugu 40 feta gámar losnuðu af skipinu og fóru í hafið.

Mjög mikil ölduhæð var þegar þetta gerðist og ekki viðlit fyrir áhöfnina að reyna að ná gámunum um borð aftur þannig að stjórnstöð Landhelgisgæslunnar ver gert viðvart, sem þegar sendi út siglingaviðvaranir til annarra skipa þar sem mikil hætta getur stafað af gámum, marandi í hálfu kafi.

Ekki hefur verið gefið upp hvort hættuleg efni voru í gámunum. Þá er  Frétastofu ekki kunnugt um hvort sjór hefur komist í einhverja gáma um borð, en skipið er á leið hingað til lands.