Victor: Ætlaði auðvitað að vinna boltann

Guðlaugur Victor Pálsson fær ekki að æfa með liði sínu NEC Nijmegen næstu daga vegna agabanns sem hann var settur í af liðinu fyrir að meiða liðsfélaga sinn.

Atvikið kom upp á æfingu á þriðjudaginn en Victor tæklaði þá Þjóðverjann TobiasHaitz með þeim afleiðingum að hann verður frá í tvær vikur.

„Ég fór í tæklingu á æfingu og ætlaði auðvitað bara að vinna boltann ... Það var svo bara tekið á þessu af félaginu þannig að ég fæ ekki að æfa með liðinu í nokkra daga,“ segir Victor um atvikið í samtali við mbl.is.

Victor bað samherja sinn afsökunar en segir þetta óviljaverk. Hann getur þó lítið annað gert en sætt sig við refsinguna.

„Ég verð bara að taka þessari refsingu. Það skiptir engu máli hvað mér finnst um þetta. Þjálfararnir ráða ferðinni og þeir ákveða að gera þetta svona,“ segir Guðlaugur Victor.

Alla fréttina má lesa hér.