Fótbolti

Victor settur til hliðar hjá NEC fyrir að meiða liðsfélaga sinn

Tómas Þór Þórðarsno skrifar
Guðlaugur Victor hvílir næstu leiki.
Guðlaugur Victor hvílir næstu leiki. Vísir/Getty
Guðlaugur Victor Pálsson, landsliðsmaður í knattspyrnu, fær ekki að æfa né spila með liði sínu NEC Nijmegen í Hollandi næstu vikurnar eftir að hafa verið settur í agabann af þjálfara sínum, AntoniJanssen.

Það kemur til vegna þess að Victor meiddi liðsfélaga sinn, Þjóðverjann TobiasHaitz, á æfingu NEC á þriðjudaginn með þeim afleiðingum að hann verður frá í tvær vikur.

„Það er satt að ég hef verið settur í bann af þjálfaranum en meira vil ég ekki segja um málið,“ segir Victor við hollensku fréttasíðuna telegraaf.nl sem greinir frá málinu.

Victor missir af leikjum NEC gegn Heerenveen um helgina, Zwolle í bikarnum og Heracles vegna agabannsins en hann hefði hvort sem er misst af leiknum gegn Heerenveen vegna leikbanns.

Victor virðist ekki sáttur með gang mála en hann setti inn stutta yfirlýsingu á Twitter-síðu sína eftir að tíðindin láku út.

„Það sem þið lesið í fjölmiðlum er satt en ég ætla ekki að fara nánar yfir málið. Ég er sorgmæddur og sé eftir þessu. Ég mun taka refsingunni eins og atvinnumaður og vonast til þess að fá tækifæri til að hjálpa halda okkur í deildinni,“ sagði Guðlaugur Victor en NEC Nijmegen er í mikilli fallbaráttu.

Fótbolti

Mest lesið


Fleiri fréttir

Sjá meira


×

Mest lesið