Fasteignamat verði í samræmi við notkun

Bæjarstjórn Stykkishólms vill tryggja að húsnæði í bænum sé rétt flokkað í fasteignamatsskrá. Afla á upplýsinga um útgefin rekstrarleyfi hjá sýslumanni og senda þær til Þjóðskrár.

„Borist hafa upplýsingar um að embætti sýslumanns hafi veitt leyfi til þess að stunda atvinnustarfsemi í húsum sem eru skráð sem íbúðarhús,“ segir bæjarstjórnin. Leyfin varði gistingu og veitingastarfsemi.  „Til þess að gæta jafnræðis er nauðsynlegt að tryggja að eignir séu rétt flokkaðar í mati eftir notkun."