Hætta leit að Íslendingi

Leit að tvítugum Íslendingi í Danmörku, Þorleifi Kristínarsyni, hefur verið hætt en hans hefur verið saknað síðan á laugardagsmorgun. Þetta staðfesti lögreglan á Norður-Jótlandi í samtali við Vísi.

Á öryggismyndbandi frá höfninni í Fredrikshavn sést maður, sem talinn er vera Þorleifur, klifra yfir grindverk og inn á hafnarsvæðið. Talið er að hann hafi farið í höfnina og engar líkur á að hann finnist á lífi. Þorleifur býr í bænum Nykobing en var í heimsókn hjá félaga sínum þegar hann hvarf.