"David Gordon Green er búinn að sjá myndina og elskaði hana“ Lilja Katrín Gunnarsdóttir skrifar 10. júlí 2014 12:00 Hafsteinn ásamt aðalleikurum myndarinnar; Helga Björnssyni, Nönnu Kristínu Magnúsdóttur og Birni Thors. „Það var pakkfullur salur, um tólf hundruð manns, og þetta var í fyrsta sinn sem ég sýndi myndina opinberlega. Og í fyrsta sinn sem ég sé hana með fólki. Það var góð tilfinning,“ segir leikstjórinn Hafsteinn Gunnar Sigurðsson. Hann frumsýndi kvikmyndina París norðursins á alþjóðlegu kvikmyndahátíðinni Karlovy Vary í Prag í Tékklandi á þriðjudagskvöldið. Hann segir að myndin hafi hlotið góð viðbrögð hingað til. „Það er frábær stemning hér. Það er mikil bíómenning í Tékklandi og hér er frábær jarðvegur til að frumsýna mynd. Ég finn fyrir mikilli athygli og myndin er búin að fá boð á fleiri hátíðir í kjölfarið á sýningunni á þriðjudag. Þannig að mér sýnist hún fara vel af stað,“ segir Hafsteinn en getur lítið sagt um hvaða hátíðir eru fram undan. „Við förum til Króatíu eftir þrjár vikur í keppni á kvikmyndahátíð þar en myndin á örugglega eftir að flakka töluvert á árinu, þó ég geti ekki talað um hvert akkúrat núna. Svo stefnum við á að frumsýna hana á Íslandi með haustinu.“Helgi Björns tók sporið á rauða dreglinum.París norðursins keppir um Crystal Globe-verðlaunin, svokallaða Kristalskúlu, á hátíðinni ásamt ellefu öðrum myndum. Verðlaunin verða afhent á laugardaginn og sigri Hafsteinn verður hann ekki fyrsti Íslendingurinn til að hreppa hnossið þar sem Baltasar Kormákur hlaut verðlaunin árið 2007 fyrir Mýrina. Aðrir sigurvegarar í gegnum tíðina eru til dæmis Jean-Pierre Jeunet fyrir Amélie og Alain Berliner fyrir Ma vie en rose. Hafsteinn gerir sér engar vonir um sigur þótt hann leyfi sér að sjálfsögðu að dreyma. „Maður veit aldrei. Þetta er alltaf bara lottó og erfitt að spá fyrir um hver hlýtur verðlaunin. En auðvitað vonar maður að maður verði fyrir valinu.“ Hafsteinn er hvað þekktastur fyrir kvikmyndina á Annan veg sem endurgerð var í Bandaríkjunum sem Prince Avalanche og frumsýnd í fyrra. Leikstjórn var í höndum Davids Gordons Green og útilokar Hafsteinn ekki frekara samstarf þeirra á milli. „David Gordon Green er búinn að sjá myndina og elskaði hana. Við erum í góðu sambandi og það er verið að tala um fleiri endurgerðir. Það gæti alveg verið eitthvað meira að frétta á næstunni,“ segir Hafsteinn dulur. Hann er með tvö önnur verkefni í gangi, annars vegar kvikmyndina Kanarí og hins vegar mynd byggða á handriti eftir Huldar Breiðfjörð, sá hinn sama og skrifaði handritið að París norðursins. Hafsteinn kynnir myndina á heimsfrumsýningunni á þriðjudagskvöldið.Unaðslega skringileg Gagnrýnandinn Mark Adams hjá Screen Daily gefur París norðursins frábæra dóma. „Unaðslega skringilegt íslenskt gamandrama. Hafsteinn Gunnar Sigurðsson býður upp á mynd sem er auðvelt að horfa á og fjallar á slyngan hátt um bresti í mannlegum samskiptum með áherslu á karlmenn. Hann er einn af bestu upprennandi, ungu, evrópsku leikstjórunum og hefur búið til afhjúpandi, skemmtilega og gáfulega mynd sem á að varðveita.“Hópurinn svarar spurningum eftir aðra sýningu í gærmorgun.Með þeim bestu í heiminum Alþjóðlega kvikmyndahátíðin Karlovy Vary, eða KVIFF, var fyrst haldin árið 1946 og er því haldin í 49. sinn í ár. Hátíðin er ein sú elsta sinnar tegundar í heiminum og hefur síðustu ár skipaði sér sess sem ein af stærstu kvikmyndahátíðum Evrópu. Árlega heimsækja þúsundir manna alls staðar að úr heiminum hátíðina, þar á meðal um 840 dreifingaraðilar, framleiðendur og útsendarar kvikmyndahátíða, og um sjö hundruð blaðamenn. Karlovy Vary er ein af fjórtán kvikmyndahátíðum í keppnisflokki sem bera A-stimpil frá Alþjóðlegum samtökum kvikmyndaframleiðenda. Aðrar hátíðir í þeim flokki eru til dæmis kvikmyndahátíðin í Cannes, alþjóðlega kvikmyndahátíðin í Berlín og kvikmyndahátíðin í Feneyjum. Bíó og sjónvarp Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Restin í hárið“ reglan gildir í Flonkyball Lífið samstarf „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Ekki lengur smeykur við að deila kastljósinu með Katrínu Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Sjá meira
„Það var pakkfullur salur, um tólf hundruð manns, og þetta var í fyrsta sinn sem ég sýndi myndina opinberlega. Og í fyrsta sinn sem ég sé hana með fólki. Það var góð tilfinning,“ segir leikstjórinn Hafsteinn Gunnar Sigurðsson. Hann frumsýndi kvikmyndina París norðursins á alþjóðlegu kvikmyndahátíðinni Karlovy Vary í Prag í Tékklandi á þriðjudagskvöldið. Hann segir að myndin hafi hlotið góð viðbrögð hingað til. „Það er frábær stemning hér. Það er mikil bíómenning í Tékklandi og hér er frábær jarðvegur til að frumsýna mynd. Ég finn fyrir mikilli athygli og myndin er búin að fá boð á fleiri hátíðir í kjölfarið á sýningunni á þriðjudag. Þannig að mér sýnist hún fara vel af stað,“ segir Hafsteinn en getur lítið sagt um hvaða hátíðir eru fram undan. „Við förum til Króatíu eftir þrjár vikur í keppni á kvikmyndahátíð þar en myndin á örugglega eftir að flakka töluvert á árinu, þó ég geti ekki talað um hvert akkúrat núna. Svo stefnum við á að frumsýna hana á Íslandi með haustinu.“Helgi Björns tók sporið á rauða dreglinum.París norðursins keppir um Crystal Globe-verðlaunin, svokallaða Kristalskúlu, á hátíðinni ásamt ellefu öðrum myndum. Verðlaunin verða afhent á laugardaginn og sigri Hafsteinn verður hann ekki fyrsti Íslendingurinn til að hreppa hnossið þar sem Baltasar Kormákur hlaut verðlaunin árið 2007 fyrir Mýrina. Aðrir sigurvegarar í gegnum tíðina eru til dæmis Jean-Pierre Jeunet fyrir Amélie og Alain Berliner fyrir Ma vie en rose. Hafsteinn gerir sér engar vonir um sigur þótt hann leyfi sér að sjálfsögðu að dreyma. „Maður veit aldrei. Þetta er alltaf bara lottó og erfitt að spá fyrir um hver hlýtur verðlaunin. En auðvitað vonar maður að maður verði fyrir valinu.“ Hafsteinn er hvað þekktastur fyrir kvikmyndina á Annan veg sem endurgerð var í Bandaríkjunum sem Prince Avalanche og frumsýnd í fyrra. Leikstjórn var í höndum Davids Gordons Green og útilokar Hafsteinn ekki frekara samstarf þeirra á milli. „David Gordon Green er búinn að sjá myndina og elskaði hana. Við erum í góðu sambandi og það er verið að tala um fleiri endurgerðir. Það gæti alveg verið eitthvað meira að frétta á næstunni,“ segir Hafsteinn dulur. Hann er með tvö önnur verkefni í gangi, annars vegar kvikmyndina Kanarí og hins vegar mynd byggða á handriti eftir Huldar Breiðfjörð, sá hinn sama og skrifaði handritið að París norðursins. Hafsteinn kynnir myndina á heimsfrumsýningunni á þriðjudagskvöldið.Unaðslega skringileg Gagnrýnandinn Mark Adams hjá Screen Daily gefur París norðursins frábæra dóma. „Unaðslega skringilegt íslenskt gamandrama. Hafsteinn Gunnar Sigurðsson býður upp á mynd sem er auðvelt að horfa á og fjallar á slyngan hátt um bresti í mannlegum samskiptum með áherslu á karlmenn. Hann er einn af bestu upprennandi, ungu, evrópsku leikstjórunum og hefur búið til afhjúpandi, skemmtilega og gáfulega mynd sem á að varðveita.“Hópurinn svarar spurningum eftir aðra sýningu í gærmorgun.Með þeim bestu í heiminum Alþjóðlega kvikmyndahátíðin Karlovy Vary, eða KVIFF, var fyrst haldin árið 1946 og er því haldin í 49. sinn í ár. Hátíðin er ein sú elsta sinnar tegundar í heiminum og hefur síðustu ár skipaði sér sess sem ein af stærstu kvikmyndahátíðum Evrópu. Árlega heimsækja þúsundir manna alls staðar að úr heiminum hátíðina, þar á meðal um 840 dreifingaraðilar, framleiðendur og útsendarar kvikmyndahátíða, og um sjö hundruð blaðamenn. Karlovy Vary er ein af fjórtán kvikmyndahátíðum í keppnisflokki sem bera A-stimpil frá Alþjóðlegum samtökum kvikmyndaframleiðenda. Aðrar hátíðir í þeim flokki eru til dæmis kvikmyndahátíðin í Cannes, alþjóðlega kvikmyndahátíðin í Berlín og kvikmyndahátíðin í Feneyjum.
Bíó og sjónvarp Mest lesið Sophia Bush kemur út úr skápnum Lífið Grínari selur íbúð í Vesturbænum Lífið „Restin í hárið“ reglan gildir í Flonkyball Lífið samstarf „Hann var langt á undan sinni samtíð“ Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Ekki lengur smeykur við að deila kastljósinu með Katrínu Lífið Varð móðir sextán ára Lífið Heyrt kjaftasögurnar um eldri mennina sem stýri henni Lífið Jón Jónsson selur glæsihús á Seltjarnarnesi Lífið Fleiri fréttir Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Sjá meira