Leit að karlmanni í Grímsnesi

Leit stendur yfir af 24 ára íslenskum karlmanni við Hestvatn í Grímsnesi. Björgunarsveitir Árnessýslu voru kallaðar út ásamt lögreglu og hófst leit um klukkan 14 í dag.

Samkvæmt upplýsingum frá lögreglu dvaldist maðurinn með fjölskyldu sinni í sumarhúsi í Grímsnesi. Talið er að hann hafi farið úr sumarhúsinu í nótt en komst í símasamband um hádegisbil í dag og hafði þá samband við fjölskyldu sína. Ekkert hefur heyrst frá honum síðan þá og var því ákveðið að kalla út björgunarsveitirnar.

Uppfært kl. 16.10:

Maðurinn er fundinn, heill á húfi. Fjörutíu manns úr níu björgunarsveitum tóku þátt í leitinni.