„Sigrún Magnúsdóttir er óskrifað blað“

Sigrún Magnúsdóttir er óskrifað blað í umhverfismálum. Spurningin er hvort hún stendur fyrir hefð Halldórs Ásgrímssonar, Finns Ingólfssonar  og Valgerðar Sverrisdóttur í umhverfismálum eða hvort hún vill byggja á arfleifð Eysteins Jónssonar og Steingríms Hermannssonar. Þetta segir Árni Finnsson formaður Náttúruverndarsamtaka Íslands í tilefni af því að Sigrún Magnúsdóttir tók formlega við umhverfis- og auðlindaráðuneytinu á ríkisráðsfundi í morgun og hefur störf á nýju ári.

Árni óttast að þótt Sigrún vilji fylgja fordæmi Steingríms og Eysteins, verði erfitt fyrir hana að fá hljómgrunn hjá Sigmundi Davíð Gunnlaugssyni og Bjarna Benediktssyni formönnum stjórnarflokkanna.