Van Persie baðst afsökunar

Robin van Persie mun hafa beðið liðsfélaga sína hjá Manchester United afsökunar á ummælum sem hann lét falla í vikunni.

Van Persie sagðist þá hafa neyðst til að breyta leikstíl sínum hjá United vegna þess að aðrir leikmenn liðsins væru að þvælast fyrir á þeim svæðum sem hann væri vanur að spila í.

The Mirror hélt því fram í gærkvöldi að Van Persie hafi beðið liðsfélagana afsökunar á æfingum en að ummælin hafi verið rangtúlkuð. Hann hafi í raun verið að tjá sig um sína eigin frammistöðu.

Samkvæmt fréttinni verður Van Persie ekki refsað af United fyrir umrætt viðtal.