Innlent

„Hillbilly Heroin“ festir sig í sessi meðal íslenskra fíkla

Ólöf Skaftadóttir skrifar
visir/getty
„Eitt vekur sérstaka athygli að þessu sinni og það er að ný, sterk verkjadeyfandi lyf eru komin á ólöglega vímuefnamarkaðinn her á landi," segir í frétt á vef SÁÁ sem birtist í dag.

Þar er um að ræða OxyContin, sem hefur verið misnotað í Bandaríkjunum í nær tvo áratugi, en er nú komið á markað hér og er að festa sig í sessi á ólöglega vímuefamarkaðnum.

Lyfið gengur gjarnan undir nafninu Hillbilly Heroin á bandaríska vímuefnamarkaðnum og er talið gríðarlega ávanabindandi. Mikil umræða hefur átt sér stað í Bandaríkjunum um hvort læknar eigi að skrifa lyfið út yfir höfuð, vegna þess hversu ávanabindandi það er, meira að segja fyrir þá sem eiga sér ekki sögu um fíknivanda.

Á vef Lyfjabókar segir að OxyContin sé flokkað sem náttúrulegur ópíumalkalóíði. Lyfið hafi áhrif á miðtaugakerfið og hindrar að sársaukaboð berist þangað. Það hafi aðallega verkjastillandi og róandi áhrif. Ávanahætta sé nokkur og sé lyfið notað til langs tíma geti myndast þol við áhrifum þess.

„80 mg tafla af OxyContin selst líklega á kr. 5000. Lyf eins og Ketogan og Tramadól ganga einnig kaupum og sölum þó ekki sé komi fast gangverð á þessi lyf," segir einnig í fréttinni.

Þessar niðurstöður fást með könnun á verðlagi á ólöglegum vímuefnum á götunni, en könnun þessi er framkvæmd af SÁÁ og allar innritaðir sjúklingar sem hafa heilsu til taka þátt í könnunni. Þá er kannað hversu margir af innrituðum sjúklingum hafa keypt slík efni síðastliðnar tvær vikur, og hvað þeir greiddu fyrir efnin. Meðaltal er reiknað i tugum króna. 

Verðkannanir SÁÁ hafa verið gerðar með sama hætti frá því í byrjun árs 2000. Þannig ættu þær að gefa glögga mynd af verðbreytingum á ólöglegum vímuefnum á götunni á þessu tímabili.

Mest lesið


Fleiri fréttir

Sjá meira


×

Mest lesið