Manchester United skoðar 16 ára son Henrik Larson

Manchester United fylgist grannt með hinum 16 ára gamla Jordan Larsson, syni Henrik Larsson fyrrum framherja Celtic, United og Barcelona. Larsson yngri leikur með Hogaborgs BK í sænsku fjórðu deildinni.

Manchester United fylgist grannt með leikmanninum unga sem hefur æft með sænsk úrvalsdeildarliðinu Helsingborgs auk þess að leika í fjórðu deildinni.

Jordan Larsson er sóknarsinnaður miðjumaður með öflugan vinstri fót og líkamlega sterkur en hann æfði meðal annars með barnaliði Barcelona þegar Henrik Larsson lék með félaginu á árunum 2004 til 2006.

Henrik Larsson lék 13 leiki fyrir Manchester United 2007 þegar hann lék fyrir félagið í tvo og hálfan mánuð.