Falcao á Old Trafford

Flest virðist benda til þess að kólumbíski framherjinn Radamel Falcao sé á leið til Manchester United. Fyrstu fréttir hermdu að United myndi kaupa Kólumbíumanninn, en samkvæmt fréttum breskra fjölmiðla í morgun er um lánssamning að ræða.

Falcao, sem hefur m.a. verið orðaður við Evrópumeistara Real Madrid í sumar, er einn skæðasti framherji heimsins.

Hann gekk í raðir Monaco frá Atletico Madrid fyrir síðustu leiktíð. Falcao skoraði níu mörk í 17 deildarleikjum fyrir franska liðið á síðustu leiktíð, en hann eyddi stórum hluta á hliðarlínunni vegna hnémeiðsla sem héldu honum einnig frá keppni á HM í Brasilíu.

Verði lánssamningurinn að veruleika verður Falcao sjötti leikmaðurinn sem United fær í sumar.

And now something definite: #MUFC have agreed a loan for Falcao, subject to medical and personal terms.

— Daniel Taylor (@DTguardian) September 1, 2014

Falcao loan fee no more than £9m and #mufc have option for permanent deal

— jamie jackson (@JamieJackson___) September 1, 2014

So a deal done for Falcao to United says my colleague @matallanas but it seems it is a loan deal. All pending medical of course

— Guillem Balague (@GuillemBalague) September 1, 2014