Holtby lánaður frá Tottenham

Þýski miðjumaðurinn Lewis Holtby er farinn frá Tottenham til Hamburg á láni út leiktíðina, en Hamburg er svo með forkaupsrétt á leikmanninum næsta sumar.

Holtby verður 24 ára í mánuðinum, en hann kom til Spurs frá Schalke þar sem hann spilaði við góða orðstíð frá 2009-2013.

Hann var einnig lánaður seinni hluta síðasta tímabil, þá til Fulham, en hann hefur aldrei náð að sýna sitt rétta andlit hjá Lundúnaliðinu.

Lewis Holtby spilaði í heildina 41 leik fyrir Tottenham og skoraði þrjú mörk.