Malaga náði að stöðva sigurgöngu Barcelona í spænsku úrvalsdeildinni í gær en liðin gerðu þá markalaust jafntefli.
Á meðan að Real Madrid hefur verið að raða inn mörkunum virðist sóknarvél Börsunga vera hikstandi um þessar mundir. Liðið náði ekki einasta skoti á mark Malaga í gær sem er afar sjaldgæft hjá spænska risanum.
Fyrr um daginn skoraði Luis Suarez tvö mörk fyrir varalið Barcelona í æfingaleik en hann er í banni til 25. október næstkomandi. Líklegt er að Barcelona hefði getað nýtt krafta hans í gær.
Börsungar voru engu að síður miklu meira með boltann í gær eða um 70 prósent. Alls átti liðið tíu skot í leiknum en ekkert þeirra hæfði mark Malaga, sem fyrr segir. Heimamenn áttu sex skot, þar af tvö á rammann.
„Lykilatriði fyrir okkur er að finna Messi,“ sagði Luis Enrique, þjálfari Barcelona, eftir leikinn í gær. „Ef það tekst verðum við mun hættulegri.“
Barcelona átti ekki skot á markið
Tengdar fréttir
Real Madrid skoraði átján mörk á einni viku
Liðið hefur þó aðeins haldið hreinu einu sinni á tímabilinu.
Barcelona tapaði sínum fyrstu stigum
Börsungum tókst ekki að brjóta lið Malaga á bak aftur í spænsku úrvalsdeildinni í fótbolta í kvöld.
