Eygló fundar í Svíþjóð um karllæg viðhorf innan lögreglu

Eygló Harðardóttir, félags- og húsnæðismálaráðherra, er stödd í Svíþjóð þar sem rætt er um hvernig karllæg viðhorf móta störf lögreglu, hers og björgunarsveita. Eygló birti mynd frá fundinum á Facebook-síðu sinni í dag og segir að til umræðu á fundinum sé hvernig vinna má að því að breyta karllæga viðhorfinu.

Í Fréttablaðinu í dag er fjallað um ráðningar í embætti aðstoðaryfirlögregluþjóna. Þrír karlmenn þóttu hæfastir í starfið að því er Stefán Eiríksson, lögreglustjóri á höfuðborgarsvæðinu.

„Það voru hæfar konur á meðal umsækjenda en þær voru ekki á meðal þeirra þriggja hæfustu í þessar stöður,“ segir Stefán.

Eyrún Eyþórsdóttir, fulltrúi hjá lögreglunni, segist full vantrausts þar sem hún viti um mjög hæfar konur sem sóst hafi eftir stöðunni. Vísaði hún í rannsókn sem gerð var á vinnumenningu innan lögreglunnar.

„Niðurstöður rannsóknarinnar bentu til að konur væru að sækja um yfirmannsstöður jafnvel þótt almennt teldu lögreglumenn svo ekki vera,“ segir Eyrún.

Post by Eygló Harðardóttir.