Strætó mun aka um Suðurnesin á nýju ári

Strætó mun frá og með 4. janúar næstkomandi aka á milli þéttbýliskjarna á Suðurnesjum ásamt því að aka til og frá höfuðborgarsvæðinu.

Vagnarnir munu keyra til Reykjanesbæjar, Vogaafleggjara, Grindavíkur, Garðs, Sandgerðis og Flugstöðvar Leifs Eiríkssonar.

Farmiðar verða seldir á völdum stöðum í þéttbýliskjörnum á Suðurnesjum og þá er hægt, líkt og í öðrum landsbyggðarvögnum Strætó, að borga með debet-og kreditkorti í vögnunum sjálfum.

Á heimasíðu Strætó má finna tímaáætlanir fyrir allar leiðir sem og gjaldskrá en mismunandi gjaldsvæði eru á Suðurnesjum.