Telja rafbíla vænlegan kost á Íslandi

Fulltrúar Verkfræðingafélags afhentu Sigmundi Davíð Gunnlaugssyni, forsætisráðherra, og Ragnheiði Elínu Árnadóttur, iðnaðar-og viðskiptaráðherra, tillögur sínar varðanda stefnumótun um rafbílavæðingu á Íslandi.

Starfshópurinn hefur verið að störfum síðan um miðjan nóvember og telur hann rafbíla vænlegan kost fyrir Íslendinga til að draga verulega úr losun gróðurhúsalofttegunda og nýta innlenda, vistvæna orkugjafa.

Forsætisráðherra fagnaði tillögunum og þakkaði fyrir hve skjótt hefði verið brugðist við. Þá sagði iðnaðar-og viðskiptaráðherra að tillögurnar yrðu nú teknar til frekari úrvinnslu í ráðuneytinu og tengdar vinnu sem unnin hefur verið í tengslum við græna orku.