„Þarf einhver að deyja áður en lagfæringar verða gerðar á þaki hússins"

„Ég eins og margir íbúar í Garðinum og gestir veltum fyrir okkur hvort ekkert verði gert við til að varna stórslysi frá húsinu Vík.“ Svona hefst færsla frá Ásmundi Friðrikssyni, þingmanni Sjálfstæðisflokksins, á samskiptamiðlinum Facebook.

Þar talar hann um þak á húsnæði í Garði sem hefur verið í henglum í þrjú ár eins og hann orðar það.

„Ég var bæjarstjóri þegar þessi ósköp gerðust og málið var komið í farveg. Íbúar og gestir skilja ekkert í þeim seinagangi í þessu máli og hvernig íbúinn sem býr í húsinu getur búið samborgurum sínum upp á slíka hættu. Ábyrgð hans er algjör en sveitarfélagið hlýtur að taka til sinna ráða.“

Í samtali við fréttastofu segist þingmaðurinn ætla að skoða hvernig hægt verði að hjálpa til áður en einhverjar hörmungar gerast.

Ásmundur spyr að lokum: „Þarf einhver að deyja áður en lagfæringar verða gerðar á þaki hússins Vík spyrja margir.“

Innlegg frá Ásmundur Friðriksson.