Líf og fjör í Höfðavík

Mikið líf var í Höfðavík í Vestmannaeyjum þegar Óskar P. Friðriksson ljósmyndari leit við til að mynda hið árlega Krabbahlaup, til styrktar Krabbavörn.

Þar voru þúsundir súlna að stinga sér eftir æti, sennilega síld. Að sögn Óskars voru þar einnig hnúfubakar og háhyrningar sem belgdu sig út af síldinni og voru veislugestir stutt frá landi. Þó var einn sem ekki vildi taka þátt í veislunni en hann hélt sig alveg við fjöruborðið og hefur væntanlega ekki tekið „sénsinn“ á að verða að veislumat. Selinn má sjá á myndinni hér beint fyrir neðan.