Leitað að vinningshafa í EuroJackpot

Íslensk getspá leitar að Íslendingnum sem vann þrettán milljónir í EuroJackpot síðasta fimmtudag. Tölurnar sem gerðu vinningshafann þrettán skattfrjálsum milljónum ríkari eru 10, 11, 25, 32 og 49 en miðinn var keyptur í Hagkaup í Smáralind og var með þrjár raðir af Jóker.

Kaupendur EuroJackpot miða eru beðnir um að skoða miðann sinn gaumgæfilega og sá heppni er beðinn um að gefa sig fram til Íslenskrar getspár hið fyrsta. Hann var einn fjögurra sem vann 3.vinning en hinir miðarnir voru seldir í Þýskalandi og í Danmörku.