Fá skip á sjó

Nú eru aðeins 67 skip á sjó umhverfis landið þannig að flestir sjóimenn eru komnir í jólafrí. Af þessum fjölda eru nokkur  erlend flutningaskip, en á góðum degi í desember eru 300 til 400 skip á sjó.

Fréttastofunni er ekki kunnugt um að nokkurt fiskiskip verði á sjó um jólin í svonefndum jólatúr en á árum áður fóru ávallt nokkrir togarar í jólatúra til að selja ferskan fisk á mörkuðum í þýskalandi og Bretlandi eftir jólin, en þá voru þarlendir farnir að þrá fisk í matinn eftir þungar kjötmáltíðir um hátíðirnar og fékkst gott verð fyrir aflann.