Kokkalandsliðinu verður fagnað á morgun

Kokkalandslið Íslands fékk gullverðlaun í báðum keppnisgreinum sem liðið keppti í á heimsmeistaramótinu sem fram fór í Lúxemborg. Liðið fékk gullverðlaun fyrir þriggja rétta heita máltíð og sömuleiðis fyrir kalda borðið sitt. Þá fékk María Shramko, liðsmaður kokkalandsliðsins, þrenn gullverðlaun og ein bronsverðlaun í einstaklingskeppni í sykurstyttum. Kokkalandsliðið hefur síðustu átján mánuði æft stíft fyrir keppnina.

Ekki liggur fyrir hverjir heimsmeistararnir verða en það verður tilkynnt síðar í kvöld.

Liðsmenn fljúga heim á morgun og verður þeim fagnað í æfingarhúsnæði þeirra við Birtruháls 2 klukkan 18.