Pósturinn afhendir ágóða frímerkis bleiku slaufunnar

Pósturinn afhenti í dag Krabbameinsfélagi Íslands allan ágóða af sölu frímerkisins Bleiku slaufunnar.

Frímerkið, sem krabbameinsfélagið hannaði vegna samnefnds átaks gegn krabbameini í konum, var vinsælt og um fjögur þúsund frímerki seldust í október.  

Þetta er í fyrsta skipti sem krabbameinsfélagið gefur út persónulegt merki með bleiku slaufunni.

Þær Daníela Gunnarsdóttir og Sigríður Þorvaldsdóttir komu færandi hendi með bleikar rósir og afhentu Krabbameinsfélaginu 208.555 krónur sem söfnuðust við sölu á Bleika slaufan frímerkinu hjá Póstinum í október.