Starfsfólk Ásgarðs gaf Barnaspítalanum tréleikföng

Starfsfólk Ásgarðs í Mosfellsbæ hafa sérsmíðað dúkkuhús, kisuhurðastoppara, dúkkuvagn og fleira og fært Barnaspítala Hringsins að gjöf.

Í tilkynningu frá Landspítala segir að þetta séu vönduð og sterk leikföng fyrir breiðan aldur barna.  „Fulltrúar gefanda afhentu leikföngin í leikstofunni á Barnaspítala Hringsins 27. nóvember 2014.“

Handverkstæðið Ásgarður var stofnað 1993 og hefur starfsleyfi frá velferðarráðuneyti sem verndaður vinnustaður. Þar starfa nú þrjátíu þroskahamlaðir einstaklingar ásamt sjö leiðbeinendum.