Hrútur, peli, hundur og handverk á Kröggólfsstöðum

Hrúturinn Ketill, sem er heimalningur á Kröggólfsstöðum í Ölfusi er mögnuð skepna því honum finnst fátt skemmtilegra en að taka þátt í handverki með eiganda sínum, auk þess að drekka úr pela og fylgja eigandanum hvert fótmál líkt og um hund væri að ræða.

Á Kröggólfsstöðum býr Monika Pálsdóttir en auk þess að vera bóndi á bænum en hún bússtjóri á stóru hænsnabúi Matfugls á Þórustöðum í Ölfusi. Monika er flestar frístundir sínar í sveitagalleríinu sínu á Kröggólfsstöðum þar sem hún málar myndir á steina, límir fallega servéttur á þá, lakkar þrisvar sinnum yfir og málar í kringum myndina. Hún nýtur góðrar aðstoðar í galleríinu því þar er heimalningurinn Ketill með henni allar stundum, auk hundanna á bænum.

„Ketill, hann er auðvitað aðaltöffarinn, hann fylgdi mér á Blóm í bæ í Hveragerði í vor, þá var hann bara lítill. Núna er hann orðin svo mikill herramaður að ég er eiginlega hætt að ráða við hann enda er hann orðin fullorðin og farin að kíkja eftir hinu kyninu“, segir Monika.  Hún segir að Ketill sé týpískur karlmaður. „Já, hann vill bara fá það sem hann vill þegar hann vill, þá á maður bara að hlaupa til“.

Ketill eltir Moniku hvert sem hún fer, hvort sem hún er inni eða úti.

„Já, hann eltir mig um allt, en ég er farin að hafa hann minna með mér upp á að hann geri ekkert af sér, hann er orðin svo stór og mikill en þetta er voðalega gaman, við förum stundum saman í gönguferðir“, segir Monika á Kröggólfsstöðum.