Spyr hvaða aðili leggi mat á þörf lögreglu fyrir skotvopn

Katrín Jakobsdóttir, formaður Vinstri Grænna spyr Sigmund Davíð Gunnlaugsson, forsætis og dómsmálaráðherra, hvaða aðili það sé, innan lögreglu eða utan, sem leggur mat á þörf lögreglu fyrir skotvopn.

Í þrettán liða fyrirspurn sem hún lagði fram til skriflegs svars á Alþingi í dag um vopnaeign og vopnaburð lögreglunnar spurði hún einnig um uppruna þeirra skotvona sem lögregla hefur aflað sér á undanförnum áratug, hvert verð þeirra var og hversu mörg þeirra hafi verið þegin að gjöf.

Þá óskar hún eftir upplýsingum um, í hve mörgum lögreglubílum og lögreglustöðvum skotvopn séu geymd.

Yfirmenn lögreglunnar á höfuðborgarsvæðinu komu fyrir tvær nefndir Alþingis í morgun að svara spurningum um innflutning á hátt í 300 hríðskotabyssum Landhelgisgæslunnar frá Noregi í febrúar.

Georg Lárusson, forstjóri Landhelgisgæslunnar segir til greina koma að skila byssunum ef þær reynist ekki vera gjöf frá Norðmönnum.