100 milljón kortanúmerum stolið síðastliðið ár

Um 100 milljónum kortanúmera hefur verið stolið á síðustu 12 mánuðum. Fjallað verður um tölvuöryggi frá ýmsum hliðum BSides ráðstefnu Nýherja á fimmtudag 6. nóv. nk.

Þar mun Dave Chronister, frá Parameter Security, meðal annars fjalla um hversu auðvelt hann telur að komast megi yfir viðkvæm gögn á netinu án þess að brjótast inn í kerfi.

„Erindi Chronister tekur mið af því að fyrirtæki og einstaklingar þurfi að vera vakandi gagnvart tölvuglæpum, en um 500 milljón notendanöfnum í heiminum hefur verið stefnt í hættu á síðustu 12 mánuðum," segir Arnar S. Gunnarsson, öryggissérfræðingur hjá Nýherja.

„Þá hefur fjárhagsgögnum að minnsta kosti 180 milljón einstaklinga verið stolið á síðustu 12 mánuðum, þar af voru gögn frá um það bil 110 milljónum einstaklinga stolið frá Target í desember í fyrra,“ segir Arnar.

Chronister er einn fjölmargra sem munu halda erindi á ráðstefnunni, en þeir koma einnig frá IBM, Valitor og Nýherja. BSides ráðstefnurnar má rekja til ársins 2009 þegar að hin virta hakkararáðstefna DEF CON í Las Vegas náði ekki að taka á móti öllum fyrirlesurum sem óskuðu eftir að kynna sitt efni þar. Þá ákváðu nokkrir aðila að halda sína eigin ráðstefnu á „B-side“ og úr því varð sería af alþjóðlegum ráðstefnum.

Hróður BSides hefur vaxið jafnt og þétt og er Ísland 18 landið í heiminum til þess að halda slíka ráðstefnu, en fjölmargar slíkar fara fram ár hvert vítt og breytt um heiminn. Ráðstefnurnar byggja á samfélagi áhugafólks um upplýsingaöryggi en njóta oftast góðs af samstarfi fyrirtækja, en BSides Iceland er í samvinnu við Nýherja.