Líkamsárás í Grafarvogi

Tveir ungir karlmenn þurftu að leita aðhlynningar á slysadeild Landsspítalans eftir að hafa orðið fyrir líkamsárás í Grafarvogi laust fyrir klukkan tvö í nótt.

Svo virðist sem árásarmaðurinn og þolendurnir tveir hafi verið saman í bíl, en að ósætti hafi leitt til þess að ökumaðurinn réðst á farþegana, veitti þeim ákverka og skildi þá eftir á vettvangi. Lögreglan náði árásarmanninum skömmu síðar og reyndist hann undir áhrifum fíkniefna og áfengis og fíkniefni fundust á öðrum þolandanna.