Innlent

Myndir vikunnar á Vísi

Kolbeinn Tumi Daðason skrifar
Ýmislegt var um að vera í vikunni sem leið.
Ýmislegt var um að vera í vikunni sem leið. Vísir/Ernir/Pjetur/Stefán/Valli/Vilhelm
Hlæjandi selur, hestar í flugvél og rauð sólarupprás var á meðal þess sem sannarlega var tilefni til að taka mynd af í vikunni sem nú er að líða.

Myndir segja meira en þúsund orð og það er ástæða þess að hinir harðduglegu ljósmyndarar Vísis og Fréttablaðsins eru alltaf á ferð og flugi. Þeir að sjálfsögðu náðu þessu öllu saman, og meiru til, á mynd en myndirnar má sjá hér að neðan.

Stjörnumenn fögnuðu fyrsta Íslandsmeistaratitli sínum í karlaflokki í sögu félagsins eftir dramatískan 2-1 sigur á FH. Veigar Páll Gunnarsson, fyrirliði liðsins, lyfti bikarnum.Vísir/Andri Marinó
Stuðningsmenn Stjörnunnar voru eðlilega stressaðir í stúkunni í Kaplakrika eftir að FH-ingar jöfnuðu og Veigar Páll Gunnarsson var rekinn af velli.Vísir/Andri Marinó
Snæfell vann sætan sigur á Haukum í árlegum leik Íslandsmeistara og bikarmeistara.Vísir/Ernir
Brynjar Þór Björnsson, fyrirliði KR, tók við titlinum eftir sigur á Grindavík í leik Íslandsmeistaranna gegn bikarmeisturunum. KR-ingum er spáð sigri á Íslandsmótinu.Vísir/Ernir
Yoko Ono veitir Jóni Gnarr sex milljóna króna styrk úr sjóði sínum. Jón ákvað að gefa styrkinn til Kvennaathvarfsins.Vísir/Ernir
Sigurjón Árnason, fyrrum bankastjóri Landsbankans, stóð í ströngu í Héraðsdómi Reykjavíkur í vikunni. Sigurjón er sakaður um markaðsmisnotkun í starfi sínu. Aðalmeðferð lýkur í næstu viku.Vísir/Vilhelm
Ólafur Aron Ingvarson keyrir að körfunni í tapleik gegn KR í vikunni. Helgi Már Magnússon fylgist með.Vísir/Ernir
Íslenskar plötusnúðastelpur ætla að spila á Boston öll miðvikudagskvöld í október. Þetta er ekki bara strákastarf,“ segir Þura Stína plötusnúður.Vísir/Vilhelm
Ronald K. Noble framkvæmdastjóri Interpol var í opinberri heimsókn á Íslandi. Hann sagði að fjöldi skotvopna á Íslandi í umferð hjá almenningi væri sönnun þess að hægt sé að halda glæpatíðni lágri þrátt fyrir mikinn fjölda skotvopna. Vísir/Pjetur
Aron Einar Gunnarsson, Ragnar Sigurðsson, Kári Árnason, Ari Freyr Skúlason og Birkir Bjarnason styttu sér stundir í Riga og spiluðu á spil.Vísir/Valli
1300 hestar eru fluttir frá Íslandi á ári hverju. Yfir helmingi færri en þegar mest lét árið 2006.Vísir/Pjetur
Farþegaflugvél Icelandair var breytt í fimmtíu sæta lúxusvél á fimm vikum. Þriggja vikna heimsreisa kostar 12,5 milljón.Vísir/Pjetur
Meistaramánuður er í gangi og létu þessi ekki sitt eftir liggja í heilsuræktinni.Vísir/Stefán
Eldhress selur bakaði sig í sólinni í Kópavogshöfn. Hann virtist hafa verið kominn í sjálfheldu uppi á steini en björgunarsveitarmenn í Kópavogi komu honum til hjálpar.Vísir/Vilhelm
Sólin á höfuðborgarsvæðinu var rauð í morgunsárið sökum gosmengunar úr Holuhrauni.Vísir/Vilhelm

Tengdar fréttir

Sjónarspil vikunnar

Myndir segja meira en þúsund orð og það er ástæða þess að hinir harðduglegu ljósmyndarar Vísis og Fréttablaðsins eru alltaf á ferð og flugi. Þeir að sjálfsögðu náðu þessu öllu saman, og meiru til, á mynd en myndirnar má sjá í þessari frétt.

Mest lesið


Fleiri fréttir

Sjá meira


×

Mest lesið