Mótmæla stefnu stjórnvalda gagnvart menntunartækifærum 25 ára og eldri

Boðað hefur verið til mótmæla á pöllum Alþingis í dag vegna þess að til stendur að veita framhaldsskólum ekki lengur fjármagn til að mennta nemendur sem eru 25 ára og eldri. Í fjárlagafrumvarpinu er gert ráð fyrir að skólarnir fái ekki lengur peninga til að mennta þennan hóp.

Vegna þessa hefur verið ákveðið að leggja niður öldungadeild Menntaskólans í Hamrahlíð eins og greint var frá á Vísi í gær. Oddný Harðardóttir þingmaður Samfylkingarinnar ætlar að taka málið sérstaklega upp á Alþingi klukkan hálf fjögur og hefur verið boðað til mótmælanna þá.