„Sakna hans á hverjum degi“

Loftur Gunnarsson lést langt fyrir aldur fram og var hann einungis 32 ára gamall. Loftur hafði í nokkur ár verið heimilislaus þó svo að dyr ástvina hafi staðið honum opnar.

Ísland í dag ræddi við Þórunni Brandsdóttur, móður Lofts og segist hún sakna sonar síns á hverjum einasta degi. „Hann hné niður á Laugaveginum, og það líðu ekki nema tveir, þrír tíma þar til hann lést. Þetta var náttúrulega algerlega ótímabær dauðdagi.“

Þórunn segir engan skilja ástæður þess að Loftur hafi farið þessa leið í lífinu. „Hann byrjar mjög seint að smakka vín, átján nítján og smátt og smátt fer þetta svo niður á við. Hann var búinn að vera í þessari miklu óreglu frá tvítugu. Áfengisdrykkju.“

Þórunn segir Loft hafa verið yndislegan mann. „Frábær sonur. Gull af manni.“