Van Gaal ósáttur með skipulag undirbúningstímabilsins

Louis Van Gaal, nýráðinn knattspyrnustjóri Manchester United, er óánægður með fyrirkomulag undirbúningstímabilsins hjá félaginu í ár.

Van Gaal er ósáttur við hversu mikið liðið neyðist til þess að ferðast í Bandaríkjunum en liðið spilar gegn LA Galaxy í Pasedana áður en liðið leikur leiki í Denver, Washington og Detroit.

Markmiðið er að kynna félagið betur í Ameríku en Van Gaal er ósáttur við þessi miklu ferðalög.

„Það er ekki jákvætt að vera sífellt að fljúga langar vegalengdir sem skilar sér í flugþreytu. Það var búið að skipuleggja ferðina svo ég verð að sætta mig við það en ég vill skipuleggja þetta betur næst,“ sagði Van Gaal.