Styrkur eitraðra gastegunda nærri hættumörkum

Styrkur eitraðra gastegunda úr hlaupvatni úr Sólheimajökli mældist nærri hættumörkum við mælingar vísindamanna í dag. Þetta kemur fram í tilkynningu frá almannavörnum. Ferðafólki er ráðlagt að halda sig frá vestanverðum Sólheimajökli þar sem hlaupvatn kemur undan jöklinum.

Eitraðar lofttegundir sem þar losna gætu valdið öndunarerfiðleikum og sviða í augum. Sumar lofttegundir eru lyktar- og litlausar og greinast ekki án mælitækja. Enn mælast jarðskjálftar á litlu dýpi undir Kötluöskjunni en tíðni þeirra virðist ekki vera að aukast. Líklegt þykir að skjálftavirknin sé tengt jarðhitavirkni en atburðir af þessu tagi eru algengir á þessum tíma árs - að því er fram kemur í tilkynningu almannavarna. Allt bendir þó til þess að hlaupið sé í rénun og mælist nú minna rennsli ánum en fyrr í þessari viku.