Konan útskrifuð af bráðamóttöku

Konan sem varð fyrir árás í Smáralindinni á þriðja tímanum í dag var útskrifuð af bráðamóttöku í kvöld. Konan var á gangi í Smáralind við verslun Lindex þegar hún varð fyrir árás karlmanns sem reyndi að taka veski af henni.

Lögreglan í Kópavogi staðfesti við DV fyrr í kvöld að um vistmann á heimili eða stofnun hefði verið að ræða. Maðurinn hefði verið í fylgd tveggja starfsmanna stofnunarinnar sem hann er vistaður á. Eftir að hann hafði verið tekinn af lögreglu í Smáralindinni var hann verið færður aftur á stofnunina.

Hann hafi hlaupið frá fylgdarmönnum sínum á konuna og ráðist á hana. Jafnvel hafi tilviljun ráðið því á hvern hann réðst.