Flutt á slysadeild eftir hnífsstungu í Grafarholtinu

Kona var flutt á slysadeild á fimmta tímanum í morgun eftir að hún varð fyrir hnífsstungu í heimahúsi í Grafarholti. Ekki hafa fengist upplýsingar um líðan konunnar en meintur árásarmaður var handtekinn skammt frá.

Að öðru leyti var nóttin róleg hjá lögreglunni á höfuðborgarsvæðinu. Eitthvað var um ölvunar- og vímuefnaakstur.

Þar á meðal var ölvuð kona stöðvuð eldsnemma í morgun á Víkurvegi en hún hafði ekið á ljósastaur. Bifreiðin var óökufær og var dráttarbifreið kölluð á vettvang.