David Luiz hágrét í viðtali eftir tapið | Myndband

David Luiz, miðvörður brasilíska landsliðsins í knattspyrnu, bar fyrirliðabandið í fjarveru Thiago Silva er Brassar voru niðurlægðir, 7-1, í undanúrslitum HM í fótbolta í gær.

Luiz þurfti að mæta í sjónvarpsviðtal eftir leikinn þar sem hann hágrét fyrir framan þjóðina eftir þetta skammarlega tap.

„Ég vil biðja alla afsökunar - alla brasilísku þjóðina,“ sagði hann. „Ég vildi bara sjá fólkið mitt brosa. Við vitum allir hversu mikilvægt það er að sjá okkar fólk ánægt þegar kemur að fótbolta. Þetta er sorgardagur,“ sagði David Luiz.

Þetta tilfinningaþrungna viðtal má sjá hér að neðan.