Kynnir Bandaríkjamenn fyrir fótbolta og spillingu

Kolbeinn Tumi Daðason skrifar 11. júní 2014 14:37

Skemmtikrafturinn John Oliver kynnti Bandaríkjamenn fyrir heimsmeistaramótinu í fótbolta á einstakan hátt í þætti sínum, Last Week Tonight, í vikunni.

„Þegar David Beckham fékk sér húðflúr af Jesús voru viðbrögð flestra knattspyrnuunnenda: Vá, það er merkilegt fyrir Jesú,“ segir Oliver sem er greinilega mikill áhugamaður um fótbolta.

Sepp Blatter og félagar hjá Alþjóðaknattspyrnusambandinu, FIFA, fá að kenna á því í innslaginu. Rifjar Oliver upp ásakanir á hendur sambandinu fyrir spillingu, dauðsföll við byggingu leikvanga fyrir stórmót og hvernig gestgjafar stórmóta fara fjárhagslega illa út úr því að halda heimsmeistaramót.

Þá gerir hann stólpagrín að nýrri mynd um sögu fótboltans þar sem Tim Roth, sem þekktur er fyrir leik sinn í myndum Quentin Tarantino, fer með hlutverk Sepp Blatter. Stiklu úr myndinni má sjá hér að neðan.

Fyrsti leikur á HM í Brasilíu fer fram á morgun þegar Brasilía og Króatía mætast.

HM 2014 í Brasilíu

Tengdar fréttir

Blatter vill að HM 2022 verði spilað í jólamánuðinum

Sett Blatter, forseti FIFA, er undir stöðugri pressu að komast að niðurstöðu um hvenær HM í fótbolta í Katar fari fram eftir níu ár en allir eru sammála því að það er ekki hægt að halda mótið í hitasvækjunni sem er í Katar yfir sumartímann.

9. nóvember 2013 22:45

Fyrrum FIFA-stjórnandi borinn þungum sökum | Myndband

Jack Warner, fyrrum varaforseti FIFA, er sakaður um að hafa selt Katar HM-atkvæði sitt dýrum dómi.

17. mars 2014 23:36

Fjórir vellir ekki tilbúnir í Brasilíu

Þó svo aðeins séu 100 dagar í HM í Brasilíu og fjórir leikvellir ekki enn tilbúnir er Sepp Blatter, forseti FIFA, hinn rólegasti.

4. mars 2014 09:21

Tim Roth á að leika Blatter í nýrri mynd um FIFA

Alþjóðaknattspyrnusambandið, FIFA, verður viðfangsefnið í nýrri kvikmynd samkvæmt frétt á Guardian og mun myndin fjalla um sögu FIFA. FIFA hefur gefið grænt ljós á myndina og spilling innan sambandsins verður því örugglega ekki meðal viðfangsefna hennar.

24. október 2013 22:00