Fjórir vellir ekki tilbúnir í Brasilíu

Þó svo aðeins séu 100 dagar í HM í Brasilíu og fjórir leikvellir ekki enn tilbúnir er Sepp Blatter, forseti FIFA, hinn rólegasti.

Það er ekki bara að fjórir leikvellir séu ókláraðir heldur er stendur enn við vinna á flestum hinna vallanna líka. Svæði fyrir áhorfendur fyrir utan leikvangana og annað er óklárað.

Einhverjir vallanna verða líklega ekki tilbúnir fyrr en svona mánuði fyrir fyrsta leik. Það gæti dregist enn lengur.

"100 dagar er langur tími og menn í Brasilíu hafa nægan tíma til þess að klára það sem þarf," sagði Blatter.

"Þeir ráða vel við þau vandamál sem upp hafa komið. Eftir 100 daga verður allt eins og það á að vera."