Herjólfsmenn enn veikir heima

Áhöfnin á Herjólfi tilkynnti sig áfram veika í gærkvöldi þannig að íhlaupamenn munu aftur hlaupa í skarðið í dag. Skipið sigldi þrjár ferðir til Landeyjahafnar í gær og var kvöldferðin sú fyrsta síðan fimmta mars, að verkfallsaðgerðir undirmanna hófust.

Skipið mun sigla samkvæmt áætlun í dag, væntanlega þrjár ferðir. Stjórnendur Eimskips fólu trúnaðarlækni fyrirtækisins að kanna heilsufar undirmanna á skipinu og fól hann heilsulgæslunni í Eyjum að annast málið. Niðurstöður úr þeirri athugun eiga að liggja fyrir í dag.