Innlent

Ekkert kom út úr fundinum

Jóhanna Margrét Einarsdóttir skrifar
"Það var engin niðurstaða af fundinum,“ segir Róbert Marshall, formaður þingflokks Bjartrar framtíðar.
"Það var engin niðurstaða af fundinum,“ segir Róbert Marshall, formaður þingflokks Bjartrar framtíðar. visir/Hörður
„Það var engin niðurstaða af fundinum,“ segir Róbert Marshall, formaður þingflokks Bjartrar framtíðar.  

Forseti Alþingis hitti þingflokksformennina nú eftir hádegið. Átti að ræða hugsanlegar sættir milli stjórnar og stjórnarandstöðu um hvernig þingleg meðferð yrði á umdeildri ESB þingsályktunartillögu Gunnars Braga Sveinssonar utanríkisráðherra. Engin niðurstaða fékkst.

„Núna bíða menn eftir að heyra frá formönnum stjórnarflokkanna. Það var alveg skýrt hvert samkomulagið var þegar fundum Alþingis var frestað fyrir viku. Það var að það ætti að reyna að ná sáttum í þessari deilu,“ segir Róbert.

Hann bætir við að náist ekki samkomulag um helgina sé ljóst að mikið verði rætt um þingsályktunartillögu Gunnars Braga á Alþingi um að draga til baka aðildarumsókn Íslands að ESB.

Fyrsta umræða um tillögu Gunnars Braga heldur áfram á Alþingi á mánudag.


Tengdar fréttir

Viðræðum við ESB sjálfhætt

Forsætisráðherra segir ekki heiðarlegt af stjórnvöldum að þykjast hafa áhuga á aðildarviðræðum við ESB. Þeim sé því sjálfhætt.

30-40% lífskjarabati með evru og ESB

„Við evruaðild mun landsframleiðsla aukast um 1,5-11%, eða um 65-179 ma.kr. á ári“ samkvæmt nýlegri skýrslu Seðlabankans um valkosti í gjaldmiðilsmálum. Einnig kemur þar fram að myntsvæðið okkar er það lítið að krónan stuðlar að óstöðugleika og dregur úr atvinnuframboði fremur en hitt. Við höfum sem sagt hvorki ástæðu til né efni á krónunni áfram.

Þingmenn geta bundið sjálfa sig

Þorsteinn Pálsson og Sigurður Líndal eru ósammála forsætisráðherra og telja núverandi Stjórnarskrá ekki koma í veg fyrir að hægt sé að halda bindandi þjóðaratkvæðagreiðslu.

ESB virðist halda opnu fyrir Ísland

Evrópusambandið bíður ákvörðunar Íslands um framhald aðildarviðræðna. Stækkunarstjóri sambandsins hefur ítrekað sagt, nú síðast í janúar, að ESB sé tilbúið til að halda áfram samningaviðræðum hvenær sem Íslendingar kjósi, kjósi þeir nokkurn tímann að gera

Stjórnarskrá stöðvar ekki þjóðaratkvæði

Sigurður Líndal lagaprófessor er ósammála forsætisráðherra og segir vel hægt að halda bindandi þjóðaratkvæðagreiðslu um framhald aðildarviðræðna við ESB. Björg Thorarensen lagaprófessor segir þetta ekki geta átt við um þingsályktun.

„Greiningin á stöðunni fól í sér mikið vanmat“

„Það er búið að eiga sér stað mjög mikil vinna í því að greina stöðuna varðandi afnám gjaldeyrishafta,“ sagði Sigmundur Davíð Gunnlaugsson, forsætisráðherra, sem var gestur í þættinum Reykjavík Síðdegis á Bylgjunni í dag.

Opnar á þjóðaratkvæði ef stjórnarskránni verður breytt

Forsætisráðherra útilokar ekki að ákvörðun um framhald ESB-viðræðnanna verði lögð í hendur þjóðarinnar. Til þess að svo verði, þurfi hins vegar að breyta ákvæðum stjórnarskrárinnar um þjóðaratkvæðagreiðslur.

Segir að stjórnvöld hafi þurft að svara af eða á

„Okkur var sagt mjög afdráttarlaust af forystumönnum Evrópusambandsins að biðstaða væri ekki valkostur,“ sagði Sigmundur Davíð Gunnlaugsson, forsætisráðherra, í þættinum Reykjavík Síðdegis á Bylgjunni í dag.

Viðskiptaráð leggst gegn tillögu um viðræðuslit

Viðskiptaráðs Íslands telur ekki rétt að slíta aðildarviðræðum við ESB á þessum tímapunkti líkt og lagt er til í fyrirliggjandi þingsályktunartillögu utanríkisráðherra. Þetta kemur fram í ályktun sem stjórn Viðskiptaráðs samþykkti samhljóða á fundi sínum í gær.

„Ég skrifaði ekki þetta bréf“

"Ég skrifaði ekki þetta bréf og hefur þetta aldrei verið mín afstaða,“ sagði Sigmundur Davíð Gunnlaugsson, forsætisráðherra, í viðtali í Kastljósinu í gær.

Munur á lögum og þingsályktunartillögu

Björg Thorarensen lagaprófessor telur að þingið geti ekki bundið sjálft sig með þingsályktunartillögu enda hafi þingsályktun ekki lagalegt skuldbindingargildi.

Mest lesið


Fleiri fréttir

Sjá meira


×

Mest lesið