Jesús Navas: Getum unnið fernuna

„Við erum á lífi í baráttunni um alla bikarana,“ segir Jesús Navas, leikmaður Manchester City, sem leyfir sér að dreyma um sigur í öllum keppnum tímabilsins.

Manchester City í þriðja sæti ensku úrvalsdeildarinnar, þremur stigum á eftir Chelsea og á leik til góða. Það mætir Sunderland í úrslitaleik deildabikarsins á sunnudaginn, B-deildarliði Wigan í átta liða úrslitum bikarkeppninnar en er vissulega 2-0 undir í baráttunni gegn Barcelona í 16 liða úrslitum Meistaradeildarinnar.

„Við erum með nógu gott lið til að eiga möguleika í öllum fjórum keppnunum. Við munum berjast þar til yfir lýkur. Það er mikið af leikjum eftir en það er vegna þess við erum enn með í öllum keppnum. Við kvörtum ekki yfir því,“ segir Spánverjinn sem er bjartsýnn á sigur gegn Barcelona Nývangi.

„Við getum farið til Barcelona og sýnt úr hverju við erum gerðir. Það er alveg möguleiki að fara þangað og gera góða hluti,“ segir Jesús Navas.