Miley Cyrus þarf lesvél til að muna textana sína

Þrátt fyrir að semja hluta laga sinna og flytja þau kvöld eftir kvöld, virðist Miley Cyrus ekki hafa lagt textann af öllum lögum sínum á minnið.

Hin 21 árs gamal poppstjarna var gagnrýnd í vikunni eftir að aðdáendur hennar sáu hana lesa texta af lesvél á sviði í Las Vegas.

„Ég var á tónleikum Cyrus í Vegas og tók þessar myndir því ég gat bara ekki trúað því að hún þyrfti lesvél með textunum við lögin sín í gegnum alla tónleikana,“ sagði tónleikagestur í samtali við RadarOnline. „Og það er ekki eins og lesvélin hafi verið þarna að óþörfu - ég var alltaf að sjá hana líta á textann.“