Hallgrímur og félagar héldu hreinu á móti FCK

Hallgrímur Jónasson og félagar í botnliði SönderjyskE tóku stig af stórliði FC Kaupamannahafnar í dönsku úrvalsdeildinni í fótbolta í kvöld en liðin gerðu þá markalaust jafntefli á heimavelli SönderjyskE.

Hallgrímur Jónasson spilaði allan tímann í vörn Sönderjysk en liðið er enn þremur stigum frá öruggu sæti í deildinni.

Marin Skender, markvörður SönderjyskE, var hetja leiksins en hann varð oft vel frá sóknarmönnum FCK þar á meðal einu sinni frá íslenska landsliðsmanninum Rúriki Gíslasyni.  

Rúrik spilaði allan leikinn fyrir FCK sem er í 3. sæti deildarinnar, sjö stigum á eftir toppliði Midtjylland.