Brooklyn Beckham spilaði með Fulham

Það er ekki langt síðan David Beckham henti skónum upp í hillu en það gæti orðið stutt í að annar Beckham fari að láta að sér kveða í knattspyrnuheiminum.

Elsti sonur David og Victoriu, Brooklyn, er orðinn 14 ára gamall og þykir nokkuð lipur í boltanum.

Hann spilaði æfingaleik með U-15 ára liði Fulham um síðustu helgi gegn Southend en hann hefur verið að æfa með liðinu upp á síðkastið.

Fjölskylda hans á hús nærri æfingasvæðinu þannig að það er frekar stutt fyrir Brooklyn að fara á æfingar.

Brooklyn æfði einnig með unglingaliðið Man. Utd á dögunum og ljóst að hann ætlar sér að feta í fótspor föður síns.