Remy spilaði ekki vegna meiðsla

Loic Remy missti af leik QPR og Norwich í dag vegna nárameiðsla. Þetta staðfesti Harry Redknapp, stjóri liðsins, eftir leikinn í dag.

Remy kom til QPR frá Marseille í síðasta mánuði fyrir átta milljónir punda og skoraði í frumraun sinni með liðinu.

„Hann reif vöðva í nára á æfingu í gær. Ég hef ekki hugmynd um hversu lengi hann verður frá," sagði Redknapp.

„Þetta gerðist á síðustu mínútu æfingarinnar. Við verðum að bíða og sjá hvernig hann verður á mánudaginn og ákveða svo framhaldið."