Fundað vegna Hofsvallagötu

Umhverfis- og skipulagsráð Reykjavíkurborgar samþykkti tillögu minnihlutans í borgarstjórn í gær um að boðað yrði til almenns íbúafundar strax á næstu dögum um breytingar á skipulagi Hofsvallagötu og framkvæmdir á götunni.

Fyrst og fremst verður tilefni fundarins að kalla eftir samráði, hugmyndum og athugasemdum frá íbúum.

Sjálfstæðisflokkurinn lagði til að umdeildum framkvæmdum við götuna yrði frestað þar til fundurinn hefði verið haldinn. Það var fellt á þeim forsendum að það yrði of kostnaðarsamt.